8-10-2025
Muyîn Şelhûb, rêveberê nanpêjxaneyên li parêzgeha Swêdayê li başûrê Sûriyeyê, got ku nanpêjxaneyên li parêzgehê demek dirêj e ku ji ber kêmbûna giran a ardê dikişînin, ku ev yek bûye sedema girtina wan ji bo çend rojan.
Şelhûb diyarkir ku krîz ji ber kêmbûna dabînkirina ard û sotemeniyê û bêserûberiya alîkarıyan ji rêxistinên navneteweyî çêdibe, û got ku mîqdarên berdest “tenê nîvê pêdiviyên hilberîna nanê rojane vedihewîne.”
Her wiha zêde kir ku hejmarek nanpêjxane ji ber kêmbûna materyalên bingehîn heta sê rojan zêdetir li pey hev kar radwestînin, ku ev yek bûye sedema kêmbûnek berbiçav di hilberîna nan de, ku ew pêwıstıya xwarina sereke ya xelkê ye.
Şelhûb destnîşan kir ku Komeleya Mezopotamyayê di 6ê Cotmehê de karwanekî alîkariyê ya 50 ton ard ji parêzgehê re şandiye, ku ji bo misogerkirina berdewamiya hilberîna nan li nanpêjxaneyan hatiye belavkirin.
Hêjayî gotınê ku Komeleya Mezopotamiya diyar kir ku ev alîkarî bi hevrêziya Heyva Sor a Erebî ya Sûrî, Midûrıyata Karûbarên Civakî û Kar de li Hesekê û Wezareta Karûbarên Civakî û Kar, wekî beşek ji hewildanên wê ji bo kêmkirina bandorên kêmbûna kelûpelên bingehîn li seranserê Sûriyeyê, hatiye şandin.
